BIBLIOTECA ESCOLAR COMPAÑÍA DE MARÍA

Bo día!! Como ben víchedes a comezos de semana, na biblioteca fixemos un pequeno tributo ao día da Paz cun debuxo de Frato, todo un símbolo silencioso deste día tan sinalado. Déixovos a nosa homenaxe e o debuxo orixinal: Así mesmo, tamén colocamos, coma o ano pasado, unha cortiza cos premios Nobel da paz dende o ano 2000 até a actualidade: E por último... o máis interesante!! Desde hoxe ata mañá podedes vir a votar a QUEN LLE DARIADES O PREMIO NOBEL DA PAZ NO COLEXIO. Preferiblemente no recreo, hoxe mércores 27 e mañá xoves 28. Mañá no recreo será o derradeiro momento para votar antes do reconto final. En primaria votarán 5º e 6º e en ESO desde 1º até 4º. Pode ser un compañeiro ou compañeira, un profesor, unha profesora... aquela persoa que vós pensedes que ben o merece.  Aquí tendes as fotos: Agardámosvos!!!

Bo día!! Ante todo, desexarvos un moi feliz Aninovo! Que tal pasáchedes as festas? Agardamos que moi ben. Desta volta vimos a ensinarvos unha remesa de libros chegados da biblioteca Ánxel Casal de Santiago. Xunto cuns exemplares da nosa biblioteca,  vimos de rematar de facer unha pequena exposición no carriño verde, ese que xa ben coñecedes! Os libros tratan sobre temas moi diversos, tan diversos como amplo é o tema da ciencia. Libros de inventores e investigadores, de ciencias naturais, de ciencias exactas, de biodiversidade, de cociña... Aquí vos deixamos as fotos para que lle botedes unha ollada... pero para lelos debedes pasarvos por aquí!