CHEGOU O NADAL Á BIBLIOTECA

Bo día!! Chegou por fin o nadal á biblioteca. Como podedes ver, temos unha decoración festiva moi acorde co ambiente. Temos polo de agora catro papeliños inda por encher co voso libro desexado. Se mañá no recreo sodes os primeiros en chegar igual conseguides facervos con un. Cando estén todos rematados, encheremos unha cortiza con todas as vosas peticións!!!






A cortiza da biblioteca que vai adicada o nadal amosa aos Reis Magos sobre un camiño de estrelas que alumean ata chegar ao Neno Xesús. Esta imaxe idílica está enmarcada polas vosas peticións literarias, por "unha chea de peticións", Desexamos que vos guste!!








Para rematar, e non por iso menos importante, hai que facer unha mención especial. Construir en grupo é parte do espírito do Nadal. Sen vós non sería posible: Roi Gigirey, Alejandro Rial, Carla Ferrera, Martín Bernárdez...

BO NADAL A TODAS E TODOS!!

Comentarios

Publicar un comentario

Publicacións populares deste blog

O RECUNCHO PÍCARO

Imaxe
Bos e chuviosos días!! Neste tempo de Samaín a biblioteca do colexio Compañía de María pon en marcha outro proxecto: "O recuncho pícaro". Esperamos que con esta actividade os nenos disfruten entre contos e verbas, aínda que vendo as fotos xa se ve que si!! Para entrar máis polo miúdo, dicir que esta actividade consiste en visitas periódicas dos pequechos do cole, os alumnos de infantil. Virán á biblioteca en distintos momentos do curso a contar e escoitar contos ou realizar algunha actividade ligada á biblioteca. Aproveitamos e amañamos en cada quenda unha zona con sillóns para que os cativos escoiten e participen da actividade.  A visita pódese desenvolver tendo en conta que non colisione con estudos e outras actividades que utilizan a biblioteca como centro. O horario acordarase cos profesores con antelación para preparar materiais e espazos.  O posible horario será: -Luns: 12.00-13.00
Ler máis

RECUNCHO PÍCARO: DÍA DE ROSALÍA DE CASTRO

Imaxe
Bo día!! Onte, día de Rosalía de Castro, os máis cativiños do colexio viñeron á biblioteca a facernos unha visitiña. Como ben se pode apreciar nas fotos e nos videos, pasárono moi ben!!! O profe Xavi recitoulles, xunto con instrumentos musicais, o poema "Adeus ríos, adeus fontes" da gran poetisa, de xeito que os nenos non foron capaces de sacarlle os ollos de enriba!! Agardamos que vos gusten as fotos e que os meniños volvan pronto!!
Ler máis