BIBLIOTECA ESCOLAR COMPAÑÍA DE MARÍA

Na biblioteca tamén nos gusta o Nadal. Ollade a nosa decoración feita a partir de libros.                                                 Felices festas a tod@s!

Intimamente ligado ao espazo bibliotecario atópase un proxecto levado da man pola Asociación Solidaria para o emprego e a formación , unha iniciativa pioneira e que denota un gran espíritu e afanamento  para axudar á mocidade recén licenciada na inserción laboral. Nace deste xeito unha nova materia:  Taller de Linguas , cuxa pretensión é que a lingua sexa tratada dende un punto de vista diferente ou inusual. Esta idea emana da necesidade imperiosa de ligar a lingua e a literatura nun novo concepto no que predomina o ton lúdico.  S abemos que son moitas as vantaxes da lectura. No tempo que dedicamos a ler desenrolamos a comprensión lectora, a comprensión e expresión oral, así como a escrita. Todas estas facetas conforman a base da comunicación lingüística, que á súa vez serán indispensábeis para o correcto entendemento das demais materias curriculares. Con este proxecto pretendemos establecer as condicións para que o alumnado poida desenrolar axeitadam

Unha das iniciativas da nosa biblioteca neste curso 2014/2015 foi instaurar a posibilidade de que, tanto nos recreos de secundaria coma nos de primaria (3º cliclo), os alumnos poidan acudir a ler como actividade de lecer. Esta actividade está enfocada a  todos aqueles que ven  o libro coma unha diversión, neste espazo poden consultar os volumes dispoñibles  ou deixarse asesorar pola bibliotecaria para aconsellarse sobre os libros máis acaídos para cada idade. Para todos os que se animen, recordarlles que deben ter en conta os seguintes puntos: - O espazo de lectura é a sala da biblioteca. - Éntrase polo corredor central que serve de camiño ao recreo. - O tempo de lectura coincide co tempo do recreo. - Pódense levar libros propios para ler. - Ofértase a posiblidade de ver libros localizables no carro de lectura ou noutros puntos da biblioteca. - Pódense solicitar algún libro en préstamo tamén nese tempo. *A merenda remátase antes de entrar.

Este blog xurde por numerosos motivos. En primeira instancia parte do desexo de darmos a coñecer as actividades promovidas e levadas a cabo en torno á Biblioteca do Colexio Plurilingüe Compañía de María santiagués. Por outro lado queremos procurar un punto de encontro entre docentes, alumnos e pais; para explorarmos entre todos as posibilidades da lingua e da literatura, da cultura e da diversidade... En definitiva, crearmos un espazo aberto onde desfrutar e compartir xuntos.