Coincidindo coa entrada na primavera ten lugar o día mundial da poesía. Dela podemos aprender o significado da vida, a valorarmos as cousas positivas e a quitarlle importancia aos obstáculos que se nos presenten. Os expertos insisten en que grazas a ler poesía podemos ser persoas cunha maior empatía e que tamén pode espertar a nosa creatividade. Desde a biblioteca convidámosvos a virdes desfrutar da poesía. Os meses do ano Xa ven xaneiro, o mes primeiro, detrás febreiro, o máis pequeneiro, con marzo a primavera xermola e en abril a chuvia molla. Por maio floreceu a xesta, por xuño san Xoán abraia, en xullo xa aperta o sol e en agosto xogamos na praia. Setembro, como saben as uvas!, en outubro a folla a caer está, en novembro san Martiño asoma, e en decembro volta a empezar. *Observacións: poema de Santiago Freire, Mantingadas. Edicións Morgante 2010.
